ИЗВЕСТУВАЊЕ во врска со адресата на живеење во личните карти на жителите од населбата Даме Груев

По барање на жителите на населба Даме Груев, општина Ѓорче Петров се обрати до Град Скопје како надлежна институција, барајќи да се изврши корекција во личните карти на жителите на Даме Груев, односно наместо населено место Ново Село да се впише името на улицата и бројот со населеното место Ѓорче Петров како живеалиште. Град Скопје од своја страна има доставено барање до Централен Регистар да се изврши бараната корекција (во прилог). Согласно член 8 од Законот за определување на имиња на улици, плоштади, мостови и други инфраструктурни објекти не може да се врши промена на имињата шест месеци пред одржување на редовните локални избори и една година пред планиран попис. Очекуваме дека по спроведувањето на пописот и локалните избори, во меѓусебна комуникација помеѓу Централен Регистар и Министерството за внатрешни работи, позитивно ќе се реши проблемот, согласно барањето на граѓаните на УЗ Даме Груев.